tag:tankasubba.blog.co.uk,2009-11-07:/tankasubbaMokoFeed2009-11-07T23:55:32+01:00tag:tankasubba.blog.co.uk,2007-08-18:/2007/08/18/a_2327_a_2379_a_2352_a_2375_a_2357_a_236~2827009/गोरेवहादुरहरुsubba2007-08-18T02:31:02+02:002007-08-18T02:31:02+02:00 <p>हिजो तागाधारीको विरुध्दमा कलम समाउनेहरु<br>
जनजाति हु भनेर उत्ता हिन्दुधर्म मान्नेहरु<br>
दशै हाम्रो चाड हुदै होईन भनेर<br>
खुसुक्क दशै मनाउनेहरु<br>
विजया दशामीको दिन निर्धक्क<br>
पुरेतहरु कै हातवाट<br>
टीका थापेर जमरा सिउरदै भने<br>
धेरै वर्षपछि टीका थाप्दा साह्रै मजा भो<br>
यसरी आफ्नै वोलीवचनमा आफैलाई खिल्ली उडाएर<br>
प्रतिष्ठालाई दहि चिउरासंग मुछेर हसुरे पछि<br>
निमेष भर मै गर्लाम्म ढले अहिन्दुहरुको आखामा<br>
गोरेवहादुरहरु </p>
<p>स्वामी प्रपन्नचार्यको उपदेश पीएर<br>
अहिन्दु मंगोलहरु<br>
हिन्दुहरुको पुरानो सिरक ओढ्दै भने<br>
पुरानो चलन भनेर पो टीका लायौ<br>
टीका लाएर के भो - आखीर वडादशै मनायौ<br>
हिन्दुहरु पनि त ल्होसारमा आउछन्<br>
चासोक तंनाममा च्याव्रुङ ठोक्दै धान नाच्छन्<br>
चण्डीमा खुट्टा मर्काउदै साकेलामा छाउछन्<br>
र भने धर्मनिरपेक्ष भैसक्यो नेपाल<br>
जातिपाती,छुवाछुत र धर्मको कुरा नगर<br>
आजको माग भनेको धार्मीक सहिष्णुता हो<br>
तर निधारमा टीका टासेर<br>
दुनियाको नजरमा आफैलाई उपहास गरे<br>
गोरेवहादुरहरु </p>
<p>इतिहासले भन्छ आदिवासी जनजातिहरुको चाड होइन दशै<br>
थाहा पाएर वुझ पचाउछन् अहिन्दुहरु<br>
हरेक जनजातिको महानचाड हुन्छ भनेर<br>
कति पटक म फलाकु देवारीले झैं<br>
तै पनि किन छायामा परेकाछन् हाम्रा महानचाडहरु -<br>
र किन राष्ट्रिय चाड वनेनन् ती चाडहरु -<br>
हिजो सस्कार लादेर पेलियौ हामी<br>
शासनसत्ताको वुटले कति कति थिचीयौ<br>
अनि वुद्घी र विवेकले त्यसै त्यसै हेपीयौ<br>
हिजो जे भयो भयो भयो<br>
अव त्यो कदापी हुने छैन<br>
तर पनि अहिन्दु हु भन्ने थाहा हुदाहुदै<br>
टीका लाउने रहर पो साचेका रहेछन्<br>
गोरेवहादुरहरु</p>
<p>देशमा पुरानो मान्यता भत्काएर नयाको सुरुआत भैरहेको वेला<br>
हरेक जातिले आफ्नो धर्म,सस्कार र सस्कृति खोज्ने,वुझने वेला<br>
हामी कति भदौमा आखा फुटेको डींगो भएका छौ<br>
सधैसधै हरीयो मात्रै देख्ने<br>
कि त धर्मको स्लोपोइजनले भ्रमीत भएर<br>
सुकेको पराललाई हरीयै देखिरहेछौ<br>
यो हाम्रो अज्ञानता हो<br>
यो हाम्रो महाभुल हो<br>
तर साचो कुरा तितो हुन्छ उनीहरुलाई<br>
वरु महानता सम्भिmन्छन् दशै मनाउन<br>
गोरेवहादुरहरु</p>
<p>परिवर्तीत समयको वेग भेउ नपाउनेले<br>
समयसापेक्ष छु भनेर किन ढाट्ने आफैलाई<br>
आखा देखेर पनि अन्धोछु भन्नेहरुलाई -<br>
वोली आएर पनि लाटोछु भन्नेहरुलाई -<br>
अव हाम्रो भन्नु केहि छैन<br>
मात्र यति भन्छौ व्युझ,जाग र आफैलाई चिन<br>
यदि समानता चाहान्छौ भने<br>
यदि जातिय पहिचानको शीर ठाडो राख्न चाहान्छौ भने<br>
तर हिजो सम्म दशै वहिष्कार गरेर हिड्नेहरु<br>
आज दशै हाम्रै महानचाड हो भन्दैछन्<br>
गोरेवहादुरहरु </p>
<p> <small> <a href="http://tankasubba.blog.co.uk/2007/08/18/a_2327_a_2379_a_2352_a_2375_a_2357_a_236~2827009/#comments">Comments</a> </small> </p>